प्रतिलिपि अधिकार उल्लङ्घनमा कानुनी कारबाही
प्रतिलिपि अधिकार ऐन, २०५९ अनुसार, बिना लाइसेन्स सार्वजनिक स्थलमा सङ्गीत बजाउनु कानुनी अपराध मानिन्छ। ऐनको उल्लङ्घन गर्नेहरूलाई जरिवाना, कैद, र सामग्री जफतजस्ता कानुनी कारबाहीको व्यवस्था गरिएको छ। यो अभियानले प्रतिलिपि अधिकार उल्लङ्घनको घटना घटाउने र सार्वजनिक यातायातमा कानुनी संरचना बलियो बनाउने आशा गरिएको छ।
रोयल्टीमा गरिएको यस कडाइबाट नेपालमा सङ्गीतको व्यावसायिकता र कलाकारहरूको अधिकार संरक्षणमा महत्त्वपूर्ण योगदान हुने सङ्गीत रोयल्टी सङ्कलन समाजका महासचिव बद्री पाण्डेले बताए।
